काठमाडौं । बुढानीलकण्ठ नगरपालिकाका मेयर मीठाराम अधिकारीलाई काठमाडौं जिल्ला अदालतले एक महिना कैदकाे सजाय सुनाएको छ ।
न्यायाधीश डा. राजेन्द्रकुमार आचार्यको इजलासले अदालतले चलन चलाइदिनू भनेको जग्गासमेत नगरपालिकाले आफ्नो कब्जामा राखिराखेको भन्दै यस्तो फैसला सुनाएको हो ।
अदालतले वडा नं १० का वडाध्यक्ष नवराज भट्टराई, वडा नं ८ का वडाध्यक्ष सुमन तामाङ र वडा नं १० का वडासदस्य चन्द्रमान श्रेष्ठलाई समेत एक महिना कैदकाे सजाय सुनाएको हो ।
उनीहरुलाई मुलुकी देवानी संहिताको दफा २६८ को १६ अनुसार सजाय गरिएको अदालतको आदेशमा उल्लेख छ ।
प्रकाशित मिति २०८१ जेठ १३ गते आईतबार ०७:०७
